散戶心理

"唉... 走咗張long call 230... 依家ig升多咗成121點... 蝕呀!"

相信有唔少人都有咁既諗法, 但想問其實你蝕咗d咩呢??? 如果以星期五收市價計算, 張long call 230應該係賺住成7x點走, 利潤有成60%, 仲蝕?!

"咁星期一返黎再升, 我咪蝕咗囉..." 首先你係冇蝕到既! 係賺少咗啫, 都係賺~ 再者你點知星期一返黎一定會升? 以港股依家咁有個性, 星期一返黎咩環境大家都唔知... 再者, 就算真係升, 你預佢會升幾多? 如果以ig個數計, 升121點, 以230 call's delta 0.41計算, 減埋時間值損耗, 最多咪賺多40點度, 即係比星期五平倉多賺31.4%... 但你需要bear既風險係個市唔升or倒跌, 咁你之前賺咗嗰60%就真係唔知得返幾多lu...

星期五平倉係冇風險的, 而持貨過夜雖然可以博取更大利潤, 但就要承擔一定風險... 一個0風險, 保證有六成利潤; 一個有風險, 有機會賺取更高回報, 不過風險及回報都係未知數... 只要計下數, 就會知道平倉係明智之舉