Sell In May (2)

上回講到五月份出現下跌的機會係較大的同時, put的潛在回報率亦比call為高, 不過上次同大家探討既係結果(即整月的O,H,L,C), 而今次要同大家探討既係過程, 大家可以睇睇近10年5月份既走勢:

2004; 月頭見高位後反覆下探, 於18/05出現反彈並扭轉跌勢, 最終結算更錄得輕微升幅 2005; 月頭見高位後反覆下探, 於26/05出現顯著反彈修復大部份跌幅, 最終只錄得輕微跌幅結算 2006; 月頭見高位後反覆下探, 於25/05出現反彈修復部份跌勢結算 2007: 先高後低, 於21/05見高位後回吐, 最終更錄得輕微跌幅結算 2008: 月頭見高位後反覆下探, 於26/05出現反彈修復部份跌勢結算 2009: 超大單邊升市, 升覆超過兩成, 月開市位已是全月最低位並以接近全月最高位結算 2010: 月頭見高位後反覆下探, 於26/05出現反彈修復部份跌勢結算 2011: 月頭見高位後反覆下探, 於25/05出現反彈修復部份跌勢結算 2012: 月頭見高位後反覆下探, 並以近接最低位結算 2013: 先高後低, 於20/05見高位後回吐, 最終更錄得輕微跌幅結算

之前經已提及過, 由於2009年的5月份為一個不尋常的超大單邊升市, 當時全球各地聯手推出多項強而有力的刺激經濟措施以抵禦金融海嘯所帶來的沖擊, 結果導致以上統計出現了Positive Skew, 如果將2009年的統計數據抽起並再計算一次, 結果顯示9年裡面其實只有2004年的5月份係出現升幅的, 可見"sell in may"的威力相當驚人

綜合以上5月份的表現, 可得出以下3種走勢(撇除2009年): 1) 先高後低, 於20/05附近見高位後回吐, 最終更錄得輕微跌幅結算(2007, 2013) 2) 月頭見高位後反覆下探, 於25/05附近出現反彈(2004, 2005, 2006, 2008, 2010及2011) 3) 月頭見高位後反覆下探, 並以近接最低位結算(2012)

如果歷史係會不段重演的話, 5月份想掌握較大的勝算, 方法其實非常簡單: 就係月中前逢高就做淡, 因為無論係出現"先高後低"定係"反覆下探"的走勢, 以平均成本法計算, 月中前採取逢高做淡的策略都係有利可圖的

以今個月暫時既走勢睇, 初步推斷黎梗出現2)同3)既機會相當大, 如果大家喺之前沽唔切的話, 可以考慮等個市出現輕微反彈後先再開淡倉, 這比今日追沽較為有利, 因為2)同3)的走勢普遍都係會出現反覆向下而非一跌到底的

但當去到25/05附近, 就可以考慮將淡倉平掉, 並以其部份利潤去部署另一種更具威力既期權策略: 末日long, 以極少的成本去搏取以倍數計的利潤! 以2)的往績顯示, 大部份的走勢都係喺介乎25-26/5間市況才出現見底反彈的, 只有2004年的走勢係喺18/05市況就出現見底反彈, 當年結算更出現倒升, 成為十年內極少數的5月升市. 而就算今個月最終係出現近接2004年的走勢, 於本月26/5(最後的星期一)進行末日long操作, 其勝算都係相當高的, 以"月頭見高位後反覆下探"的往績去計算, 7年間只有2012年係直插到底的, 即結算前出現反彈的機會率高達6/7, 超過8成半咁多

究竟"sell in may"的說法點解會有如此驚人的威力, 其實除咗係因為多數公司喺五六月間出現除息外, 其實仲有另外一個更大既因素去左右其成效的, 今日就講住咁多先, 明天再續, 希望大家多多支持下啦~