1928金沙(2)

1928果然無令我失望!

今日仲要插得比我預期中多, 美中不足係我走得唔夠靚, 最終都係賺唔到三倍… 算啦, 兩日貨仔捉到一成跌幅, 其實已經相當唔錯

而我走既原因唔係因為我覺得佢放完假返黎會反彈, 有留意開既朋友相信都知道, 1928同27既走勢一向都係連升連跌的, 放完假返黎跌多日出現四連跌真係一D都唔出奇, 淨係近一年1928經已出現過13次超過三日的連跌走勢, 但走既原因並不在於下跌日數, 而係幅度

1928今日暫時最多跌過5.4%, 連埋前兩日既跌幅, 三日最多累計跌幅已超過12%, 而睇返近13次超過三日的連跌走勢中, 只有08/17-26嗰次8連跌(累計-24.37%)係大幅超過12%哩個水平外, 其餘最多都係跌到12, 13個%度就喘定, 而大部份都不足10%, 即係話就算佢聽日再跌, 低位都未必會比今日低好多, 所以都係唔同佢摶, 免得放假返黎反彈3, 4%, 仲要輸多日時間值, 到時得返一賠利潤都無, 咁就真係貪字得個貧了…

另外762季績前提早插左落黎, 最多跌成4%, 成為今日表現最差既藍籌. 其實自鐵塔公司單野後, 726既走勢係三隻電訊股中最差的, 但根據我個指標, 佢係三隻中動量最異常的, 即表示跌得唔多合理... 雖然從型態上睇確係唔多靚仔, 不過小注LONG CALL 11蚊摶佢季績後反高潮亦無妨, 就當係投自己信心既一票