交易模型(3)

上文講到大家唔能夠只睇個回報金額去衡量一個投資既表現, 必需睇埋個本金去計算回報率先可以作準, 而個賭馬程式所賺既5600萬到底等如幾%既回報率我就不得而知... 咁<<攞佢命3000>>既回報率到底有幾多呢?

話明係集合十種投資概念於一身既超級組合霸皇, <<攞佢命3000>>既組成部份係包括Long同Short的, 以今日我個倉所顯示(戶口既設定並無因為我既身份而Adjust過任何野), 綜合一套所需既基本保證金為 $44,492, 但唔可以攞哩個數作準, 因為相信大家都知道, 越接近月尾, 組合當中Short倉個按金就會越黎越大(我月頭開倉時只需 $42,600按金), 根據港交所既數據顯示, 哩個組合去到月尾所需按金為$61,000左右, 我就打大到以$70,000為本金計算, 五年合計回報3719點, 即$185,950, 回報率為2.66倍, 每年平均回報率為53.13%

洗費方面, 以我開俾同學個價黎計, 每月洗費約$600-$900(視乎結咩位而定), 如果以中位數$750去計算, 五年合共洗費為$45,000, 在扣除洗費後每年平均回報仍然有40.27%

屬多屬少就人見人見智, 可能好多人自己炒一季都多過哩條數, 但<<攞佢命3000>>有樣野係一定好過自己炒的, 就係我已經唔需要再聚精會神咁睇實個市, 更唔需要再估佢開邊邊了... 所以每月既研討會今後我應該唔會再開(抱歉...), 因為每月大方向對我而言已經義意不大

待續... 請以Like支持~