交易模型(11)

上文講到<<攞佢命3000>>的交易原理係從規則上著手, 同測市完全無關! 咁係咪即係代表開倉後就完全唔洗睇市, 等到結算就收錢咁開心呢?

其實一d主張唔洗測市既期權策略早就喺市場及網絡上廣泛流傳, 而最為人熟識的相信係Delta Neutral. 名就可能好多人都聽過, 但真正係點運作就未必好多人知… 聽落就好似好勁咁! 但其實好多新手都有做過既Short兩邊價外, 就係其中一種Delta Neutral既原型, 而與一般Short兩邊的第一個分別在於, 持倉的Short Call及Short Put的綜合Delta值要盡量接近0(基本上係做唔到等如0的… 因為就算依家係正正等如0, 可能個市郁五分鐘就已經出現偏差了), 第二個唔同既地方在於, 並不是等到是但一邊俾人夾到入哂先搬倉或斬倉(你懂的…), 而係當持倉的綜合Delta值偏離0達一定水平時(如+/-0.1), 就進行搬倉或加減倉, 以調節持倉的綜合Delta值返回接近0的水平, 咁做既目的係要盡量令到持倉的盈虧不受相關資產漲跌所影響, 只單純賺取時間值損耗及IV委縮所產生的利潤(即係只賺時間值不賺價咁解)

然而哩個做法其實並不容易Apply落港股度… 因為香港既期權市場並不是奉行全日制交易的, 當遇到裂口出現時, 有機會令到該持倉的綜合Delta值大幅偏離0, 就算馬上重新調整持倉令其綜合Delta值返回接近0的水平, 好可能已經做成相當程度既虧損, 導致後續既操作難以扭虧為盈產生正回報

而就算係全完無裂口都好, 哩種做法其實都唔適合一般投資者做的… 因為如果要Keep住個Delta接近0, 基本上個市每郁超過200點個倉就要郁一郁, 先唔好講洗費既問題, 一般投資者又邊有咁多時間去睇實個市呢… 有的話我情願炒即市, 起碼唔洗過夜, 加上彈性強, 有時間就落場玩兩三轉, 無心情就全日唔睇都得, 唔洗俾個倉挷住自己

<<攞佢命3000>>除左可以唔洗測市外, 其最大既優點就在於其實唔洗點理佢… 60個月Back test的結果中, 只有三成時間(18個月)係需要中途去調整持倉的, 其餘時間就等到結算埋單計數, 其間係唔洗長時間睇實的, 相信比起大家炒方向要輕鬆得多, 而且由於交易量少, 所以回報並不會被洗費嚴重瓜分(洗費可參考04/07的貼文). 操作方面, <<攞佢命3000>>的交易模型由三款簡單的期權策略所組合而成, 只要大家能夠完全掌握其交易理念及運作原理, 相信對一般投資者而言係絕對舞得掂的

一連十一個Post講解<<攞佢命3000>>, 雖然有d長… 但所講既其實只係我哩段時間研究成果既一少部份, 其他例如關於建構交易模型, 回測結果與實際操作, 機會率, 賠率與值博率等問題, 將留待新一期既期權課程內同大家詳細探討. 有關課程資料將於下星期初公布, 有興趣既朋友敬請留意

多謝大家支持!


Featured Posts
Recent Posts
Archive
Follow Us
  • Facebook Basic Square
  • YouTube Social  Icon
  • Google+ Basic Square