末日Long(3)

上文講到肓目相信回測結果而不考慮當中的細節, 實際操作上好可能會遇上災難性的情況! 而且回測過程中並未計算實際操作上的種種可能性, 因此回測結果能夠產生正回報也不等如實際操作上一定可行… 如果以上文末日Short的例子去說明, 實際操作上將面對以下可能出現的問題

上文計算的$60,000按金為港交所16年3月的參考數字, 實際上行會HOLD你幾多按金好可能聽電話嗰個都答你唔到… 而且面對市況處於較波動時, 除港交會上調基本按金水平外, 好大部份既行更會額外調高實際所需按金. 而由於以上操作並不是一個每年都能夠產生正回報的操作, 而年度間的表現更是極度參差的, 因此有需要預留額外的資金去控制其風險, 這同樣會對資金及回報率帶來相當的影響

以2015年的年度表現作解釋, 其間6月至9月的虧損為-$87,050 (1741 X 50), 而假設這經已是末來可見的最大虧損情況, 在沒有額外預留更多的資金的情況下, 該操作所需準備的資金將變成$87,050(風險資金) + $60,000(投資成本) = $147,050, 在本金大大上調的情況下, 即使預期的回報相同, 其回報率都會被大大下調; 如果以$147,050作本金計算, 該操作60個月的回報率只有36.52% (1074 X 50 / 147050 X 100%), 大大不如上文所計算的89.5%

不過, 假如該操作長遠是可以得到與BACK TEST接近的結果的話, 所賺取的回報便可擔當風險資金的角色, 所以長遠回報率並不會因此而被嚴重削弱

而當遇到2015年6月至9月的情況時, 對資金及回報率的壓力其實只是其次… 更重要的是對操作者所做成心理壓力! 試想像一下你每月末日SHORT的最大利潤只有100點度, 然而一個唔好彩連續四個月就輸左成十一個月既錢… 就算你知道這只是分段的最壞情況, 但你能夠堅持下個月繼續做下去嗎? 如果之後贏返三個月然後又輸一個月4XX點, 你還是可以堅持下去嗎? 楂住700點利潤而面對未來可能出現的1000虧損的情況, 基本上人人都堅持到, 然而背負著700點的虧損去迎接未來可能出現的1000利潤又有幾多人真正堅持到呢?

其實好多時輸錢並不是方法或系統出錯, 只係你輸左俾自己… 所以自問心理素質不足既朋友, 千祈唔好做末日SHORT! 諗都唔好諗! 因為就算你夠運, 實際操作首先遇到12或13年既情況都好, 我保證你等結算嗰幾日會過得好似成個月咁長…

而且BACK TEST結果只係一個過往人類行為的參考, 並不包括可能出現的天災人禍情況, 例如於結算前四日出現911, 福島, 肥手指, S&P Down Grade US等同類事件事件, 哩D潛在風險都係前文的BACK TEST結果中未有出現過的, 因此操作者係有必要為可能出現的情況做好風險管理

綜合以上各點, 個人認為每月末日SHORT哩個做法長遠而言相信係可行的, 如果大家覺得自己係舞得掂既可以考盧下, 而如果你自問心理素質唔夠都唔緊要, 因為我已經研究左另一個MODEL係風險低而回報率比末日SHORT更高的^^Y 我將佢命名為<<末日3000>>, 將於新一期既課程中連同<<攞佢命3000>>同大家全面剖釋, 有興趣了解課程資料既朋友可留意以下連結: https://www.facebook.com/events/217163878663797/

多謝大家支持, 希望到時可以見到你啦~