孔明動感死光

美股繼續於高位徘徊, 期指今早平開後越做越好, 更喺10:05度出現急抽, 半個鐘升咗成150, 但好快又回返成百點, 而睇返頭個半小時成交, 合共只有13,885張, 屬偏低水平, 即表示升幅並没有強勁的買盤支持, 估計暫時的升幅又係大戶喺有限波幅區間將指數舞高弄低的搵食手段, 黎梗兩日假期+今晚報非農, 相信哩段時間都係以上落市為主. 指數又係動人走勢, 都係不持倉過晚為妙, 睇下個股好過

五一前講完762同728, 今日就即回... 但可惜因為IV太高我最後都冇put到;-( 黎梗等佢喺高位橫行整固一排先再出手, 我相信仲有機會的

700今日又升返上500邊, 最高見過501, 之前講過我對哩隻股既策略係逢高就做淡, 如果以其走勢係一浪低於一浪去計算, 即係唔會彈得高過23/04的高位544, 而個人認為當反彈到52x哩d四月份股價密集區時, 就係落手既好時機~

另外, 27今日既股價只係同我29/04時所提及的差唔多, 都係62.3左右, 但係張Short GLX60.00Q4今日就賺咗成5毫幾子, 超過25%, 哩個就係縮IV既威力! (That's why我尋日點解冇long put到762) 如今27跌勢經已暫時喘定, 而我張short put又已經出現盈利, 係時候將之平掉, 並以其利潤去0成本(甚至乎係正數)long call, 咁就可以坐享冇風險而利潤無限的不敗之地!

哩招方間有位阿sir幫佢改咗個好動聽既名, 叫"孔明借箭", 不過佢係教靜態做的, 即同時做SP + LC, 但咁係做唔到賺IV + 坐享冇風險而利潤無限的. 如果哩招既靜態版叫"孔明借箭", 咁我哩招就應該叫"孔明動感死光"