搜尋
即市解說
- Option Walker
- 2014年11月30日
- 讀畢需時 2 分鐘
都話多人企嗰邊, 通常都冇咩好結果的...
雖然唔係一定, 但如果大家係有哩個概念的話, 見到今朝期指開市第一分鐘既走勢, 相信已經聞到味 (今朝第一分鐘嗰棍實在太精彩, 可能哩度有唔少人係MISS咗的... 等我話俾大家知到底發生咗咩事: 期指低開144點後光速修復, 然後又音速倒掟, 如大家從分鐘圖所示, 哩段既高低波幅有成453點, 但最恐怖既係, 哩453點, 其實只係用左不足30秒形成的... 想睇返可以開個5秒圖睇下)
今朝第一分鐘嗰棍帶出既信息除咗好急同好CHOK之外, 更重要既係成交量達1889張, 係正常高水平的3-5倍! 即係表示除咗有人(s)好大手沽貨外, 下面都有唔少人(s)頂住, 而蠋身形態出現長尾, 即係話如果再穿哩棍既低位, 表示下面班友都頂唔住... 個市要再落
果然, 10:17再破低位, 而且仲要唔係穿十幾廿點既假身, 係狠狠地直插多成百點, 仲要係大成交急插嗰隻! 而哩分鐘既成交量仲要比第一分鐘既天量要多, 達1954張, miss咗今朝嗰轉既喺哩個位追都唔算太遲
如果哩轉都入唔到... 都唔緊要~ 因為如果大家係見得全面而心水清的話, 就會知道點解10:17分嗰棍會咁大成交: 原因係23460係前幾日人行宣布減息時, 夜期做上既開始位黎, 而好明顯哩個位係有支持的, 所以個市10:20分後到開始反彈返超過100點
但可惜沽壓依然... 14:00-14:15期間, 兩度下破都企唔返穏該位之上, 原理同第二段所講既一樣, 守唔住就要再落... 哩個位大家又有冇留意到, 及時趕撘哩班順風車嗎?
七百幾點跌幅中, 出現左三次比較明顯開淡倉既機會(其實係有六次的, 我第二注沽盤就係放咗喺23549@13:02), 大家又留意到幾多個呢?
Comments