交易模型(10)

上文講到IV對期權金的影響, 會直接影響操作的風險及回報問題, 言而哩個只係其中一個影響既因素, 因為前文的例子是極端的, 而IV並不會長時間處於嚴重扭曲的狀態, 大部份情況下IV都係處於合理水平的, 所以如果要做到一個交易模型係能夠每年都產生正回報的話, 只捕捉IV失真並不足夠, 還需要其他因素去配合

其中一個為時間值因素, 因為時間值於到期時必然為0, 不論Long倉Short倉及組合策略最終都不能避免時間值因素對其產生的影響. 簡單一個例子: Long等價Call + Short價外400點Call, 哩個操作喺月頭, 月中同月尾做, 其成本及最大利潤係唔一樣的! 一般情況下, 以上操作如果越近月頭做, 其最大利潤/成本會越少於1, 越接近月中做就越等如1, 越接近到期日做就越大於1, 這都是受到時間值因素所影響

而另一樣野可能大家都唔知… 相信好多人都會認為以上操作係會輸時間值, 言而答案係唔一定! 咩話?! 一個俾期權金既操作可以賺時間值?! 無錯, 只要哩套Bull Call Spread夠入價, 佢就會由一個輸時間值既組合變成一個賺時間值既組合, 原因係組合中的Long Call中有部份既期權金已經由時間值轉化為內在值, 而內在值並不受時間性所影響. 巨體原因點解會出現哩個情況就唔喺度作詳解了, 但只要大家開機睇睇就會發現越價內的Theat值就越細, 其實這經已反映了Bull Call Spread喺足夠價內時係可以賺時間值的

而另一個比較重要既因素係選擇. 如果測市係靠技術, 咁期權操作就係一門藝術! 因為喺期權既世界中, 並不是你睇啱方向就一定賺到錢, 而就算賺唔同既操作所得出既回報率可以係差天共地的, 同樣地風險都可以係天堂同地獄既分別… 認清現狀, 因應適當的市況選擇最具效律既操作, 往往比測市更為重要! 因為當時既選擇, 其實已經一定程度上注定了你住後的成敗, 只要睇睇04/13既例子就會明白不同操作所得出截然不同的結果

<<攞佢命3000>>哩個交易模型能夠得出每年正回報且回報率超過20%的結果, 其交易原理係從規則上著手的, 同測市完全無關!

待續… 請以Like支持~