交易模型(2)

上文講到關於個賭馬方程式有兩件事我好有興趣知道, 第一點係個MODEL, 而第二點就唔講住, 先講下點解我話我潛水同哩單野有直接關係呢?

事源喺哩單新聞出街嗰期, 我正好Plan梗個期權進階班既course outline, 正當我著手煩梗教咩好之際, 我就喺FB睇到哩單新聞… 彷忽上帝同我講: 你向哩個方向諗吧孩子~

其實大家去買書去上堂學期權, 無非都係想賺錢, 雖然有小部份人係當賭錢咁享受刺激同估中既成功感, 但我知道絶大部份人都係希望唔洗點搏而賺取穩定既回報的. 連賭馬哩類人為因素咁高(即往績參考意義不大)既遊戲都可以設計出一個長遠賺大錢既MODEL出黎, 咁期權無理由唔得的! (雖然我之前都研究過, 但效果唔太理想… 仲有人記得<<圍城>>嗎?) 於是就開始左我哩個幾月天昏地暗既Backtesting生崖…

經我費畢生精力, 集合十種投資概念於一身既超級組合霸皇, Model編號<<攞佢命3000>>經已研究成功左喇! 2011至2015五年Backtest結果係無一年出現虧損, 合共獲利3719點

人地就三個馬季賺五千幾萬, 你就五年先賺得十八萬幾, 差好遠bor老細… Bingo! 哩個就正正係我想知既第二件事了, 文中提及事主三個馬季(三年)合共獲利5,600萬, 睇落好似好多, 但點解一直無人問個本金其實係幾多? 如果個本原來要10億, 咁就真係不如買債好過…

待續… 請以Like支持~