交易模型(4)

上文講到<<攞佢死3000>>既回報率問題, 而心水清既朋友可能已經留意到一個問題, 就係如果回報不變, 該回報率的高低其實係同本金有直接關係! 而上文我只係用左今個月(16年4月)條數去計算, 這到底是否能夠反映其真實回報率呢?

答案: $70,000(已打大)本金並不是一個實數, 是一個平均數. 相信大家都知道, 按金哩家野港交所會因應市況而不定時作出調整的, 當市況處於較波動時, 個本金一定唔止七萬, 可能會超過十萬. 但實際係幾多我答唔到… 因為當市況處於極度波動時, 除按金會被上調外, 期權金亦會隨著IV變大而變大

簡單一個例子, 假設某交易模型的做法為每月第一個交易日開即月的Long Straddle(Long Call + Long Put等價), 以今個月(四月份)的期權金計算, 每月第一個交易日開即月Long Straddle, 以03/31的收市價20807計算, 即開Long Call 20800 + Long Put 20800, 分別付出433及437的期權金, 該月的本金為$43,500

但同樣的做法於15年較波動的市況下進行, 其本金將出現極大差異! 如果以15年08/31的收市價21670計算, 開九月份Long Call 21600 + Long Put 21600的成本分別為741及849, 即本金為$79,500, 這是16年4 月份的1.83倍, 由此可見期權金才是影響本金的的最主要因素, 按金只是其次

即係話如果我以$70,000(已打大)為本金去計算<<攞佢死3000>>既回報率, 其實並不能反映其真實的回報率嗎?

答案: 不是, 因為今個月的期權金水平, 其實就已經等同過去五年的每月平均水平; 根據數據顯示, 即月等價期權於每月第一個交易日的平均水平為463.25, 這與本月的水平相當接近, 而該水平(400-500)於五年間出現了近一半的時間(26個月), 其餘有19個月少於400, 只有15個月是多於500的水平, 因此以$70,000(已打大)為本金的計算是合理而且有依據的

反回以上Long Straddle既簡單例子, 大家已經可以睇到期權金的多寡對本金及回報率既影響, 而其實哩個影響只係其中一樣… 期權金根本係整個零和遊戲既本質所在, 主宰著絕大部份既成敗得失, 這亦是<<攞佢死3000>>背後運作原理中核心之中既核心!

待續… 請以Like支持